Inyuma yo gutsindwa ibitsindo 2-0 n’umugwi wa République Centre Africaine mu rukino rwo kurondera itike yo gukina igikombe ca CAN2021 kizobera muri Cameroon, Intamba mu rugamba zitezwe gushika ku kibuga c’indege Melchior Ndandaye mw’ijoro ryo kuri uyu wa gatanu igenekerezo rya 15 Munyonyo 2019.
Imbere y’uko zishika i Bujumbura zashoboye gukora imyimenyerezo mu gatondo ko kuri uyu wa gatanu.
Mukamenya y’uko Intamba mu rugamba zifise urukino rwo gutangura n’umugwi nserukira gihugu wa Maroc ku musi wa kabiri igenekerezo rya 19 Munyonyo 2019 isaha icenda 15h00 ku kibuga c’intwari kiri i Bujumbura.
