Umukinyi w’umusatirizi w’Intamba mu rugamba Hussein Shabani batazira Tchabalala yaraye afashije umugwi akinamwo Al- Taawoun kuronka inota rimwe .
Hari kuri uwu w’Imana igenekerezo rya 05 Munyonyo 2023, aho ihiganwa rikuru ryo mu gihugu ca Lybia ryari ryabandanije ku ndwi igira 2.
Umugwi Al Ahly Benghazi umwe mu migwi ifise abakunzi benshi wari wakiriye umugwi wa Al- Taawun ukinamwo umusatirizi w’Intamba mu rugamba Hussein Shabani Tchabalala, biza kurangira iyo migwi yompi inganije igitsindo 1-1.
Igitsindo ca Al Tawaun kikaba cinjijwe na Hussein Shabani Tchabalala ku munota wa 31.
Mwomenyako Hussein Shabani Tchabalala ari ku rutonde rw’abakinyi b’Intamba mu rugamba Étienne Ndayiragije yatumyeko mu ntumbero yo kwitegurira inkino zibiri zo kurondera itike ryo kwitabira Inkino zanyuma z’igikombe c’isi zizoba muri kuno kwezi.
