Kuri uyu wa mbere waraye uheze igenekerezo rya 27 Nzero 2020 niho abakinyi b’umugwi Aigle Noir hano iwacu bashika i Bujumbura inyuma yo gutsindwa na Palestina ibitsindo 3-1 mu rukino rwa nyuma rw’ihiganwa Bangabandhu Gold Cup ryari rimaze imisi ririko rirabera i Bangladesh.
Bahejeje gushika i Bujumbura baciye berekeza mu Ntara ya Makamba bakirwa n’uwashinze Umugwi Aigle Noir Reveriyano Ndikuriyo asanzwe arongoye Inama Nkenguzamateka ndetse n’ishirahamwe ry’umupira w’amaguru mu Burundi FFB.
Ikibanza ca kabiri uwo mugwi watwaye catumye bahabwa ibahasha ry’amadorari ibihumbi 20000$ hamwe n’igikombe.
Aigle Noir ikaba ifise urukino rw’ikirarane rwa Primus league kuri uyu wa kane igenekerezo rya 30 nzero 2020 n’Umugwi wa LLB.
