Uwatsinze igitsindo ca mbere mu gikombe c’isi c’umwaka wa 2002 agitsinze Ubufaransa aho Senegal yatsinze igitsindo 1-0 , Papa Bouba Diop yaraye aryamiye ukuboko kw’abagabo .
Papa Bouba Diop akaba yari umukinyi wo hagati mu mugwi nserukira gihugu wa Senegal ndetse n’imigwi yo mu bwongereza nka Fulham , Portsmouth yaraye aryamiye ukuboko kw’abagabo afise imyaka 42 y’amavuko.
Ishirahamwe ry’umupira kw’isi ryagize ico rishikiriza inyuma y’urupfu rw’uyo munya Senegal, rikaba ryanditse riti : ”warabaye Intwari mu gikombe c’isi uzokwama uri intwari “.
Mwomenya y’uko Bouba Diop yahitanywe n’ingwara yari amaranye ikiringo kitari gito nk’uko twabisomye mu binyamakuru bitandukanye .
