Umugwi Intar Star wo mu cicaro cakabiri waraye ukoze ibitangaza
Kuri uyu wa gatandatu igenekerezo rya 06 Ndamukiza umwaka wa 2019 , isaha icenda 15h00 i Gitega niho umugwi Messager Ngozi ukina mu cicaro cambere wahura na Inter Star yo mu cicaro cakabiri mu rukino rw’igice 1/4 gishira icanyuma c’igikombe citiriwe umukuru w’igihugu, urwo rukino rukaba rwarangiye Inter Star itinze Messager Ngozi ibitsindo 4 kuri 2.
Imbere y’uko urwo urukino ruba, umugwi Inter Star wari wemerewe n’abarongozi wo y’uko nibaramuka batsinze urwo rukino umukinyi umwumwe azotahana ibahasha irimwo amafaranga y’amarundi angana n’ibihumbi mirongo itandatu na bitanu 65.000fb.
Izindi nkino zaraye zibaye n’uko Ngozi City nawo wasezereye Musongati Fc mu kubatsinda igitsindo 1 ku 0, Aigle Noir nawo umaze gutwara igikombe ca Primus league waraye usezereye LLBS4A uwutsinze ibitsindo 3 ku 0 , Rukinzo nayo isezerera Kayanza United ku gitsindo 1 ku 0.
Mu kamenya y’uko igice 1/2 gishira icanyuma kizokinwa kw’igenekerezo rya 20 muri uku kwezi kwa Ndamukiza umwaka wa 2019.
