Fiston abdoulrazzaq abandanya yandikisha amateka atari bwakorwe n’uwundi mukinyi w’umurundi
Kuri uyu wa kabiri igenekerezo rya 26 Ntwarante umwaka wa 2019 Ishirahamwe ritwara umupira w’amaguru muri Africa CAF ryaraye rishize ahabona urutonde rw’abakinyi 11 bitwaye neza mu nkino zo kurondera itike yo gukina igikombe ca CAN 2019 kigiye kubera mu Misiri.
Muri urwo rutonde tuhasangamwo umukinyi w’umusatirizi w’intamba mu rugamba ndetse n’umugwi wa Js Kabylie wo mu gihugu ca Algeria Fiston Abdoulrazzaq.
Akaba ari kumwe n’ibindi bihangange nka :
- Sadio Maney
- Mohammed Salah
- Cedric Bakambu
- Salif Coulibaly
- Yassine Meriah
- Eric Baily
- Hakim Ziyeck
- Navy keita
- André Onana
Mukamenya y’uko Fiston Abdourazzaq yarangije izo nkino zo kurondera itike yo kwitabira CAN 2019 afise ikibanza ca kabiri n’ibitsindo 6 mugihe uwafashe ikibanza ca mbere ari umunya Nigeria yitwa Odion Ighalo.