Umugwi Chelsea waguze ku mukopo umusatirizi w’umugwi Juventus Gonzalo Higuain imukura muri AC Milan aho yari yatijijwe.

Kuri uyu wa Kane igenekerezo rya 24 Nzero umwaka wa 2019 niho umugwi Chelsea wo mu bwongereza wagura umusatirizi w’umugwi Ac Milan aho naho akaba yari yahatijijwe na Juventus .

Juventus rero ikaba ariyo yamutije Ku mugwi Chelsea bikanavugwa ko ashobora kugurwa Burundu na Chelsea Ku mafaranga y’ama Paundi angana n’imiriyoni 3 mbere arashobora kwongerezwa n’amasezerano yo gukinira Chelsea gushika mu mwaka wa 2020 .

Higuain akaba asanzwe afise imyaka 31 y’amavuko akaba afise ubwene gihugu bw’umugwi wa Argentine , akaba yarakiniye Ac Milan igice c’ihiganwa no kubatsindira ibitsindo 8 mu nkino 22.