Kuri uyu wa kane igenekerezo rya 16 Nzero 2020 isaha zitandanu z’umurango 12h00 niho umugwi w’Intamba mu rugamba waserukiwe n’umugwi Aigle Noire wari ufise urukino rwa mbere n’umugwi nserukira gihugu wa Moritius mu rukino rwa mbere rwo mw’itsinda B ry’ihihiganwa rya Golden Cup ririko rihuza imigwi nserukirabihugu mu gihugu ca Bangladesh.
Muri urwo rukino rwarangiye intamba mu rugamba zinyagiye Moritius ibitsindo 4-1.
Ibitsindo bitatu bikaba vyinjijwe na Nshimirimana Jospin mugihe kimwe catsinzwe n’uwitwa Narcisse Asman.
Intamba mu rugamba zikazosubira gukina ku musi wa gatandatu n’umugwi nserukira gihugu wa Seychelles.
