Umugwi nserukira gihugu Intamba mu rugamba waraye ukoze imyimenyerezo yambere yo kwitegurira umugwi wa Gambia mu rukino ruzoba kuwa Kane igenekerezo rya 16 Munyonyo 2023, mu nkino zo kurondera itike ryo kwitabira inkino zanyuma z’igikombe c’isi c’umwaka wa 2026.
Iyo myimenyerezo yo ku musi wa Kane yaraye ikozwe ikaba yari ibuzemwo abakinyi 4 gusa , nabo akaba ari Ndahishimiye Youssouf, Nduwarugira Christophe, IRUTINGABO Tresor Mossi hamwe Na Hussein Shabani Tchabalala , abo bose bakaba baraye bashitse mw’ijoro ry’uwo musi nyene.
Mwomenya ko kw’ igenekerezo rya 19 Munyonyo 2023 , Uburundi buzosubira kandi gutana mu mitwe na Gabon mu ntumbero yo kurondera itike ryo kwitabira izo nkino z’igikombe c’isi 2026.
