Umumenyereza Christian Kabera batazira Morinho yashinzwe amabanga mu mugwi Les jeunes Athletic wo mu cicaro ca kabiri.
Hari kuri Ku musi wa gatatu igenekerezo rya 26 Kigarama umwaka wa 2018 aho Kabera Christian yashinzwe amabanga yo kuba umuyobozi w’ubuhinga ( Directeur Technique ) mu mugwi wo mu cicaro ca kabiri witwa les jeunes Athletic.
Akaba agiye gukurikirana ibikorwa vy’uwusanzwe amenyereza uwo Mugwi Amouri Manirakiza . Kabera Christian Morinho niwe mumeyereza wa mbere ataramba mu migwi bivanye n’ivyo yama yasezeranye n’abamurongoye badashitsa ivyo bikaba biri mu kiganiro yahaye Indundi Sports .
Akaba amaze guca mu migwi itandukanya nka Magara Star, Ngozi City , Delta Star , Flambeau de l’Est, Vietel, Academies Kigali hamwe na Butare City .
