Alain Olivier Niyungeko ( Mutombola ) , umumenyereza wa kera w’Intamba mu rugamba yavuze ko umugwi nserukira gihugu wa Cameroun uriko wumva ubwoba budasanzwe ku mugwi nserukira gihugu w’Intamba mu rugamba .
Imvo ni uko urwo rukino barukuye kw’igenekerezo rya 04/08/2”23 barushira kw’igenekerezo rya 12/09/2023 , bongera barutwara kure n’igisagara .
Kuri Micro ya Radio Indundi Culture , mu kiganiro c’inkino Indundi Sports , Mutombola yavuze y’uko kwimurira urwo rukino kure ari ukwihenda kuko i Garoua hariho ubushuhe bwinshi cane buzotuma n’abakinyi babo bagira ibibazo, atari abakinyi b’abarundi gusa .
Ku bwa Mutombola ngo Intamba mu rugamba zishobora gusubira muri CAN yimirije kuko zirondera inota rimwe gusa .
Mukunzi nawe ni ko ubibona?
