Shaddy boo ngo ikibazo c’umutekano nico kimubujije kuza I Bujumbura

Ikibazo c’umutekano ngo nico kimubujije kuzoza I Bujumbura mu giteramo bari bamutumiyemwo.

Shaddy boo nawe ngo ntazoteramisha abarundi nkuko yari yavyemeye mu misi iheze abicishije Ku rubuga rwiwe rwa Instagram.

Ico giteramo yokwitabiriye igenekerezo rya 20/7 I Bujumbura, ngo ntakikijemwo kubera atizera ko umutekano wiwe uzoca ucunzwe neza.

 

View this post on Instagram

 

Whats’up Burundi!!! i’ll be hosting the biggest instagram party july 20th at Arena.Shout out to @skyeventbdi for making this happen…See you then and lets bring the fun game on another level😘 🇧🇮🇧🇮🇧🇮🇧🇮@selectahamas @Akeza.net #Arena #belaire

A post shared by Shaddyboo (@shaddyboo_92) on Jun 28, 2019 at 10:27am PDT

Ayo makuru y’iryo siba ryiwe tukaba tuyakesha ikinyamakuru Inyarwanda, aho nabo bayakesha abegereye uwo mwigeme akunzwe cane Ku rubuga rwa Instagram muri kano karere.

Uwo akaba abaye uwa 3 asivye mu giteramo hampande ya Meddy na Bruce Melodie nabo nyene bashira imbere ic’uko umutekano wabo bawutinyira. Ivyo bikaba ariko biruko mu gihe abanyarwanda batari bake batareka kwerekeza I Bujumbura mu bikorwa bitandukanye.

Ivyo kandi bishikirijwe mu gihe I Bujumbura hitezwe Diamond Platnumz umuririmvyi akomeye wo muri kano karere akomoka mu gihugu ca Tanzania. Akaba azoba aje I Bujumbura mu giteramo co kurangiza ihiganwa rya Primusic.