Urwanda rwakuye amakori kuma Cotex ngo bikunde abigeme bazibura batangure baronke uko bazironka bitabagoye.
Urwanda narwo rwahambije ibindi bihugu birimwo na Kenya mu gukura amakori (TVA) ku nyambaro abigeme n’abapfasoni bakoresha bari mu butinyanka.
Amakuru dukesha ibinyamakuru mpuzamakungu avuga ko ivyo bishitse inyuma y’igihe kitari gito abaharanira agateka k’abagore basaba ko hokurwaho ayo makori kuko ico ari igikoresho nkenerwa cane ku bigeme n’abapfasoni.
Nk’uko ayo makuru abandanya abivuga, ngo amatohoza yakozwe n’ubushikiranganji bw’inyigisho mu mwaka wa 2017, yerekanye ko 8% y’abanyeshure bashikana imyaka 16 n’iyirenga bahagarika amashure cane cane muri gihugu hagati. Imvo nyamukuru ku bigeme akaba ngo ari ibura ry’ivyo bikoresho.
Ayo makuru abandanya avuga ko ico bipfuza abo baharanira agateka k’abigeme ar’uko ivyo bikoresho vyoboneka mu buntu mu mashure.
Mu gihe Kenya n’Urwanda bahagaritse ayo makori, Tanzania yo ikaba iheruka gusubira gushirako amakori, aho ni mu gihe ngo abadandaza batigeze bagabanura ibiciro kandi amakori yarakuweko
