Inyuma yo kugarukana akanyamuneza mu ba kunzi n’ibikombe vyinshi, umugwi Vital’o Fc ugiye gutangura igice ca kabiri c’ihiganwa rya Primus League 2023-2024 wambaye umwambaro mushasha , n’amasezerano mashasha .
Kuri uwu wa gatatu ingenekerezo rya 13 Kigarama 2023 Isaha Icenda (15h00) ku biro bikuru vy’ishirahamwe Planet Media rikora ibikoresho bitandukanye vy’ishure nk’amkaye , ibitabo ,n’ibindi niho habera amasezerano yo gukorana hagati y’iryo shirahamwe n’umugwi Vital’o Fc mu kiringo c’amezi 6, ni ukuvuga mu nkino zo gusubiriza za Primus League 2023-2023 ( Phase retour).
Muvyo bemeranije akaba ari uko umugwi Vital’o Fc ugiye kumenyekanisha ibikorwa vya Imprimerie Planet Media mu kwambara Imyambaro iriko ikimenyetso cabo ( Logo). Planet nabo bemera kubaha uburyo bw’amafaranga hamwe n’imyambaro 2 itandukanye uwo mugwi uzoba wa mbara.
Kubw’umuvugizi wa Vital’o Fc Arsène Bucuti yashimiye cane rwose Planet Média ukuntu yama yashigikiye imigwi , aca aboneraho na karyo ko gusaba ayandi mashirahamwe gufatira akarorero kuri Planet Media .
Sindayikengera Thadée arongoye iryo shirahamwe yavuze ko gushigikira inkino ari mu ntumbero yo gufasha abakinyi gushika ku ndoto zabo .
Abajijwe impamvu yoba yatumye afasha uwo mugwi , yavuze ko yawufashije kubera ko ari umugwi wa mbere nabo Planet Media ari aba mbere .
Mu bakunzi b’umugwi Vital’o Fc nabo bazogura ikarata y’umunywayi wa Vital’o Fc izoba yakozwe n’ iryo shirahamwe, hazoba ukumugabanyiriza igiciro.
Gushika muri kano kanya Vital’o Fc niwo mugwi wa mbere mu Burundi usanzwe ufise ibikombe vyinshi , akaba ari nawo ufata ikibanza ca mbere mu nkino za Primus League (2023-2024).
Twobamenyesha ko ico gikorwa cari gihagarariwe n’uwurongoye Vital’o Fc , Djama Seif , Umunyabigega Papy hamwe na Arsene Bucuti ajejwe igisata ca Marketing muri Vital’o Fc , mugihe kuruhande rwa Imprimerie Planet Media bari baserukiwe n’uwurongoye iryo Shirahamwe Alain Theddée Sindayikengera .
