Ibituro vy’ibitoro 7 kuri 31 biri mu gisagara ca Bujumbura ngo bitanga igitoro kidakwiye.
Ivyo ni ibiri mw’itangazo umuyobozi ajejwe ibitoro mu bushikiranganji bw’ubutare n’agataka yasohoye ku muhingamo wo kuri uyu wa gatanu.
Daniel Mpitabakana abivuze inyuma y’urugendo rwakozwe kuri ivyo bituro ku magenekerezo ya 6 na 7 uku kwezi kwa Gitugutu. Uwo muyobozi yemeza ko yaciye ahanisha ihadabu ba nyene ivyo bituro yongera agenda agabishije abafise agatima ko kwiba abanyagihugu ko bagiye kuzobafatira ibihano ruhasha.
