Abagabo bagize Staff y’intamba mu rugamba baraye bose bahuriye ubwa mbere mu gihigu ca Indonésie inyuma yo guhabwa amabanga mashasha .
Staff y’intamba ikaba irimwo abagabo bagera kuri 7 aho twovuga nka :
1) Umumenyereza mukuru : Etienne Ndayiragije
2) Icegera ciwe : Patrick Sangwa
3) Uwujejwe kuraba imikenyuro y’abakeba ku masanamu : Valery Nahayo
4) Uwutegura abakinyi mu myimenyerezo : Elvis Banyihwabe
5) Umumenyereza w’abanyegori : Khalid Niyonzima
Nkuko mubibona kuri iyo sanamu bariko baganira ku mikenyuro mishasha bagiye kwerekana abakinyi mu myimenyerezo ndetse nico bokora kugira uburundi bwitware neza .
Abandi bari muri Staff ni Team Manager ariwe Mutima Constantin hamwe na Kit Manager ariwe Mpawenimana Hassan bose bakaba bari muri Indonésie mu gisagaca ca Jakarta.
Mwomenyako Intamba mu rugamba zizokina urukino rwa mbere rwa kivandimwe na Indonésie igenekerezo rya 25, mugihe urwa kabiri ruzoba igenekerezo rya 28 Ntwarante .
