Abakinyi 3 bakinira Bumamuru Fc hamwe n’uwahoze amenyereza umurwi Bumamuru Fc bari mu baraye batsindiye ubushimwe bwa Primus League 2022-2023.
Hari kuri uyu wa gatatu igenekerezo rya 28 Ruheshi 2023 kuri Berakhan Hotel aho hatangwa ubushimwe bwabavyitwayemwo neza kurusha abandi muro Primus league 2022-2023.
Abakinyi batowe uku gukurikira :
-Umukinyi mwiza w’umwaka yaranze ihiganwa nawe ni Nahimana Shassir yahora akinira umurwi Bumamuru Fc muri kino gihe akinira umurwi wa Bandari Fc wo mu cicaro ca mbere muri Kenya
– Umukinyi yinjije ibitsindo vyinshi kurusha abandi ni Nkurunziza Alfred bivurwa ko mu mwaka uza azokinira umurwi wa Aigle Noir Cs
– Umunyegori mwiza yaranze umwaka ni Ndikuriyo Patient akinira Bumamuru Fc
– Umumenyereza mwiza yaranze umwaka nawe ni Joslin Bipfubusa yamaze kuva muri uwo mugwi .
Abandi bakinyi batari muri Bumamuru Fc batsindiye ubushimwe ni aba bakurikira :
– Girimugisha Jean Claude Umukinyi akiri muto yaranze ihiganwa
– Ndayishimiye Youssuf yatowe nk’umukinyi mwiza yaranze umwaka akina mu mahanga .
Abandi batowe ni abahagarikizi bavyitwayemwo neza kurusha abandi abo nabo ni 3.
– Gatogato Georges
– Niyongabo Emery
– Fides Bangurambona
Umuyobozi w’umwaka yavyitwayemwo neza kurusha abandi ni Nduwimana Inoncent asanzwe arongoye ishirahamwe ry’umupira w’amaguru muri Bujumbura Rural .
Mwomenya ko uwatowe wese yahawe na Brarudi ibahasha ry’umuriyoni w’amarundi 1.000.000 Fb .