Umugwi w’umupira w’amaboko w’ishure rya Cubahiro International niwo waraye utahukanye igikombe ca Cubahiro international School Youth Cup.
Hari kuri uyu wa kabiri igenekerezo rya 25 Mukakaro 2023 Isaha icenda 15h00 kw’ishure Cubahiro International School riri muri Zone Kinindo Commune Muha , aho hakinwa urukino rwanyuma rwa Basketball rw’abakiri bato rwahuje ishure Cubahiro international School hamwe na Lycée du Saint Esprit.
Urwo rukino rwarangiye Cubahiro international School itsinze Lycée Saint Esprit ku manota 63 kuri 59 bica bituma iryo shure ritahukana ico gikombe cari catunganijwe n’ishire ryabo .
Mu rukino rw’igice ca kabiri gishira icanyuma 1/2 , Cubahiro International School yatsinze ishure rya Indépendante ku manota 68 kuri 63.
Iryo higanwa rikaba ryari ryitabiriwe n’amashure 12 , ni ukuvuga 6 avuga icongereza n’ayandi 6 avuga ururimi rw’igifaransa .
Uwurongoye igisata c’inkino kuri ayo mashure Nzeyimana Laurent avuga y’uko izo nkino bazitunganije mu ntumbero yo gufasha abana kudasamarira ibidacise akamaro no kuja mu bintu bidakenewe harimwo ibiyayura mutwe kuro kino gihe ca karuhuko .
Mwomenyako kuva k’umugwi wa mbere kushika ku mugwi wa 12 bagiye baronswa ubushimwe bose butandukanye bivanye n’ibibanza .
