Umukinyi w’Intamba mu rugamba Kanakimana Bienvenue abandanya yigenza neza mu gihugu ca Tchèque.
Mu mpera z’indwi yaraye iheze igenekerezo rya 30 Ndamukiza 2023 niho umurwi wa Varnsdorlf wari wakiriye umurwi wa Vyskov, urwo rukino rwarangiye umurwi wa Vyskov utsinze Varnsdorlf ibitsindo 3-1.
Muri ivyo bitsindo bitatu vya VYSKOV harimwo igitsindo ca Kanakimana Bienvenue igitsindo yinjije ku munota wa kabiri w’urukino .
Kanakimana Bienvenue akaba yaciye akwiza ibitsindo 12 muri iryo higanwa i ryo mu cicaro ca kabiri mu gihugu ca République Tchèque, akaba arushwa ibitsindo bibiri n’uwufata ikibanza ca mbere .
Umurwi Vyskov ukaba ufata ikibanza ca gatatu n’amanota 21 ukaba urushwa amanota abiri n’umurwi wa Karvina uri mu kibanza ca mbere .
