Vital’o Fc y’uburongozi bushasha bwa Djamal Seif igiye gutana mu mitwe na Flambeau du Centre yo mu ntara ya Gitega.
Imigwi ya Vital’o Fc hamwe na Flambeau du Centre niyo migwi igiye gukina urukino rwanyuma rwitiriwe izina Nkurunziza Cup.
Mu rukino rw’igice ca kabiri gishira icanyuma rwa Nkurunziza Cup , Umurwi wa Vital’o Fc watsinze Aigle Noir Cs ariyo uburongozi bwayo bwateguye ico gikombe kuma Penalty ( 4-3), mugihe iminota 90 y’urukimo yaheze imigwi yose inganije igitsindo 1-1.
Ku rundi ruhanda narwo umugwi wa Flambeau du Centre watsinze Rukinzo Fc ibitsindo 3-1, mu rukino rw’igice ca kabiri gishira icanyuma.
Mwomenya ko urukino rwanyuma rwa Finale ruzoba ku musi wa gatandatu igenekerezo rya 08 Myandagaro 2023 isaha Icenda (15h00) ku kibuga ca Nkurunziza Peace Park Complex
