Umurwi Espoir Fc wo mu cicaro ca mbere mu Rwanda uhejeje kumenyesha icese ko ugiye kumenyerezwa n’umumenyereza w’umurundi Gustave Niyonkuru .
Uwo mumenyereza akaba agiye kumenyereza umurwi Espoir Fc mu kiringo c’amezi 6.
Akaba asubiriye Bisengimana Justin yari amaze imisi asezerewe kubera umusaruro muke .
Gustave yari amaze imisi amenyereza uwo murwi ariko ntabubasha yari afise bwo kuwumenyereza mu nkino zitandukanye z’ihiganwa bivanye n’uko Espoir Fc itari bwarangize kuriha amafaranga yari ifitiye n’uwahora ayimenyereza Bisengimana Justin yari yahagaritswe kumenyereza uwo murwi mu kiringo c’ukwezi .
Mwomenyako ko Espoir Fc iri mu kibanza canyuma n’amanota atarenga kuri 11.
