Vital’o Fc yaraye itahukanye igikombe ca mbere mu mateka y’ihiganwa ry’igikombe citiriwe umuhisi Prezida Nkurunziza.
Hari ku musi wa gatandatu igenekerezo rya 08 Mukakaro 2023 Isaha icenda z’umugoroba (15h00) ku kibuga ca Nkurunziza Peace Park Complex Stadium , niho hari haramutse haba urukino rwanyuma rwitiriwe umuhisi Prezida Nkurunziza rwahuje umugwi wa Vital’o Fc hamwe n’umugwi wa Flambeau du Centre . urwo rukino rwarangiye Vital’o Fc yirahiye Flambeau du Centre ibitsindo 2-0.
Igitsindo ca mbere ca Vital’o Fc cinjijwe na Irakoze Amissi Leon mugihe ica kabiri cinjijwe na Nimbona Kessy Jordan .
Umugwi Vital’o Fc ukaba wari uherutse gutwara igikombe carico cose mu mwaka wa 2018 aho batwaye Coupe du Président.
Ubushimwe bukaba bwatanzwe uku gukurikira :
1) Vital’o Fc : Imiriyoni 12
2)Flambeau du Centre : Imiriyoni 10
3) Aigle Noir Cs : Imiriyoni 5
4) Rukinzo Fc : Imiriyoni 5
Mwomenyako iryo higanwa rya Nkurunziza Cup ryari ribaye ku ncuto yaryo ya 3 .
