Umukinyi wa kera wa Aigle Noir Cs Mabano Shabani yigenga muri kino gihe ata mugwi afise, yaragize uruhara rukomeye cane mw’iterambere ry’umukinyi rurangiranwa w’umurundi akina muri OGC Nice yo mu bufaransa .
Uno mukinyi Mabano Shabani mu nkino z’imigwi nserukira gihugu ya CAN – 20 y’umwaka wa 2019 , yarakoze ibintu bikomeye cane ivyatumye ashimwa na bamwe muba Agents bakomeye kw’isi bari bishikiye muri Niger .
⚽️Ni uruhe rugara yakoze mw’iterambere rya Ndayishimiye Youssouf Nyange?
Mabano Shabani niwe yateye imigisha Ndayishimiye Youssouf Nyange , kuko inyuma y’izo nkino za CAN -20 , umwe muba Agent yari yishikiye muri Niger yaramukunze niho guca asaba amasanamu yiwe yose , arungikwa kuja kuyaraba kuri Channel Youtube ya Aigle Noir Cs .
Amaze gusimbira kuri Channel ya Youtube ya Aigle Noir Cs kuraba Mabano Shabani , niho guca abona amashusho y’uwundi mukinyi bakinana na Mabano Shabani nawe si uwundi ni Ndayishimiye Youssouf Nyange araheza arashima ingene akina, Urugendo rw’uwo mukinyi rwo gukina Iburaya ruba ruratanguye .
Youssouf Ndayishimiye avuga iki kuri Mabano Shabani?
Ndayishimiye Youssouf Nyange mu kiyago gito yagiranye na Indundi Sports , yavuze y’uko mu buzima bwiwe atazopfa yibagiye Mabano Shabani kuko iyo ataba we ntiyari kuba ariko akina ku mugabane wa Buraya. Ikaba ariyo mpamvu ata kintu na kimwe azomwima mu gihe cose azoba ari kuri ino si .
Mabano Shabani muri kino gihe nta mugwi afise arigenga , umugwi wose umwipfuza imiryango iruguruye .
Yakiniye imigwi ikomakomeye nka :
– Aigle Noir Cs
– Kayanza United
– Athletico New Oil
– Bumamuru Fc
– Polisi Fc Tanzania
– Union Sportive de Tatouine Tunisie .
