Umugwi nserukira gihugu w’abigeme Intamba mu rugamba batarenza imyaka 20 wasezereye gihugu ca Afrika yepfo kubitsindo bibiri kubindi.
Hari kuri uyu wa gatatu igenekerezo rya 11 Gitugutu 2023 Isaha icenda ( 15h00) , niho umugwi nserukira gihugu w’abigeme batarenza imyaka 20 wari wakiriye umugwi nserukira gihugu w’Uburundi w’abigeme batarenza imyaka 20 mu rukino rwo gusubiriza,mu kurondera itike yo kwitabira inkino z’igikombe c’Isi . Urwo rukino rwarangiye imigwi yose inganije ibitsindo 2-2 .
Kubera ko urukino rwo gutangura Uburundi bwari bwanganije 0-0 na Africa y’epfo , nibwo bwaciye burengana mu gice gikurikira .
Uburundi buzoca buhura n’igihugu kizotsinda hagati y’igihugu ça Zambia na Republika iharanira intwaro rusangi ya Congo.
Umugwi nserukira gihugu w’Uburundi w’abigeme batarenza imyaka 20 usanzwe umenyerezwa na Alain Olvier Niyungeko ( Mutombola) no mu rukino ruheruka rwo kurondera itike yo gukina igikombe ça Afrika CAN rwahuje Intamba z’abigeme bakunze hamwe na Ethiopie , uwo mumenyereza yasezereye ico gihigu biciye mu buryo bw’imipira y’imiterekano (penalty).
Umumenyereza Alain Olivier Niyungeko ( Mutombola ) kandi niwe mumenyereza wenyene w’umurundi mu mateka y’umupira w’amaguru , amaze gushikana Umugwi nserukira gihugu w’intamba mu rugamba w’abagabo mu nkino za CAN mu mwaka wa 2019.
