Natacha Ngendabanka n’umwe mu baririmvyi bariko bakorana ishaka n’ingumvu nyinshi aho ubona aza mu kibanza ca mbere mu baririmvyi bagerageza gusohoka igihugu ndetse bakanakora ama Collabo agiye atandukanye.
Inyuma yaho akoreye indirimbo ari kumwe n’umuririmvyi ariko araza neza ariwe Fik Fameica wo mu gihugu c’Ubugande ni Natacha yahavuye afata urugendo rumwerekeza mu gihugu ca Tanzaniya aho yarajanywe n’ugusinya amasezerano n’ishirahamwe StarTimes ryo muri ico gihugu ca Tanzaniya aho ubona ko ari iyindi ntambwe nini kuri uwo muririmvyikazi ndetse no kwizina ry’igihugu c’Uburundi
Ni Natacha aho yagaruka mu gihugu ciwe c’amavukiro yaje azananye ayandi masezerano y’iryo shirahamwe nyene risanzwe rikorera mu gihugu c’Uburundi.
Aho yashika ni Natacha yagize ati kuba nahawe amasezerano hanze y’igihugu iwacu batarabikora ntibitangaje cane kuko twamye inyuma muri vyose ariko nk’uko tubandanya twitanga biriko biraza kandi bazodutahura ko ushize izina ry’umurirumvyi mubikorwa Utegerezwa kuronka akarusho
Ivyo bibabaye mu gihe Natacha avuga ko atamwanya mu nini agiye kumara i Bujumbura ariko imbere y’uko yerekeza mugihugu c’ubutariyano yemeza ko agiye gukora collabo hano iwacu akazoyikorana n’umuririmvyi w’umurundi ibintu bisa n’ibitari bimenyerewe cane kuri Natacha.
