Abakunzi b’ibiganiro vy’inkino bica kuri Indundi Tv , bahurikiye muri groupe whatsapp ya Indundi Sports Fans baraye bakoze amateka adasanzwe .
Hari kuri uyu wa gatandatu igenekerezo rya 22 Mukakaro 2023 , niho abakunzi b’inkino bahurikiye muri groupe whatsapp ya Indundi Sports Fans baraye baterereye imifuko y’isima 40 yo mu bwoko bwa Dangote mu ntumbero yo gushigikira ibikorwa vyo kwubaka ikibuga Intwari .
Iyo mifuko ikaba yaraye yakiriwe n’uwurongoye ishirahamwe ry’umupira w’amaguru mu Burundi , Général de Brigade de Police Muyenge Alexandre , Icegera ciwe ca mbere hamwe n’uwusanzwe arongoye igisata c’abahagarikizi mu Burundi Evariste Murengerantwari.
Général de Brigade de Police Muyenge Alexandre arongoye FFB yashimishijwe n’iyo ntererano yabo bakunzi b’inkino batandukanye bahurikiye muri groupe whatsapp ya Indundi Sports Fans .
Akaba yagize ati:’’ Nagomba mbaze ndabashimire bivuye ku mutima , nshimire mwese mukoraniye ngaha bamenyeshamakuru , abanywanyi muhurikiye muri groupe Whtsapp ya Indundi Sports Fans kuri aka gaterero muhejeje kudushigikiriza , ni akanya
muneza kadasanzwe , twari tuzi y’uko muri abantu bakunda kwandika ivyiza na bibi mu ma groupe whatsapp ukamenga ni ihuriro gusa ryo kuganirirmwo mugabo nsanze muri abantu muzo kwitunganya .
‘’ Kubona mwiyumviriye rero iki gikorwa , n’igikorwa gikomeye rwose jewe numva kinshimishije bivuye ku mutima . Ama groupes ni menshi ya Whtsapp naho twoja mubavuga ivya Sports ni menshi arashika 20 , mugabo ni mwenyene mubaye aba mbere muvuga muti twarumvize akamo k’umukuru w’igihugu yaduteye natwe ntidusigare inyuma , nimwe muri aba mbere rero tubakomere amashi mw’ikomere amashi .
‘’ Rero noca mboneraho no kurya akara ayandi ma groupes ya Whatsapp y’inkino nayo nyene agire ico akoze . mwe mwavuze ngo mwazanye gato aka si gato , harya umuntu aguhaye naho koba ari kamwe uwundi akazana akandi wegeranije usanga wakoze uruntu rukomeye , aka rero ntimuvuge ngo ni gato iwacu ni ikintu kinini rwose .
Général de Brigade de Police Muyenge Alexandre akaba yarangije akebura ayandi ma groupes ya whatsapp y’inkino guterera ikibuga Intwari naho koba ari gato .
